tehni peh kisi shajar ki tanha
bulbul tha koi odaas betha
kehta tha keh raat sar pay aa-e
ornay chugnay mein din guzara
pohnchoon kis tarha aashiyaan tak
har cheez peh chaa gay-ya andhera
sun kar bulbul ki aahozari
jugnu koi pass hi say bola
hazir hoon madad ko jaan-o-dil say
keera hoon agarcheh mein zara sa
kiya gham hay jo raat hay andheri
mein rah main roshni karoon ga
Allah nay dee hay mujh ko mishal
chamka kay mujh ko diya banaya
hain loog wohi jahaan main achay
aatay hain jo kaam dosroon kay